Конфедерацияләр Кубогы вакытында 8,5 мең полиция хезмәткәре куркынычсызлыкны сагында торачак

Казанда футбол буенча Конфедерацияләр Кубогы көннәрендә 8,5 мең полиция хезмәткәре куркынычсызлыкны тәэмин итәчәк, дип белдерде Татарстан буенча эчке эшләр министры Артем Хохорин «Татар-информ» мәгълүмат агентлыгына биргән эксклюзив әңгәмәсендә. http://tatar-inform.tatar/news/2017/06/09/142187/

"Тәртип сагындагылар саны Универиада вакытындагыга караганда әзрәк. Бу чараны оештыру үзенәлекләренә карап исәпләнә. Ничә объектта чара узачагы, күпме кунак булачагы исәпләнә һәм, шуннан чыгып, саклык чаралары билгеләнә. Бу юлы безгә 3,5 мең полиция хезмәткәре килә. Монда Россия Эчке эшләр министрлыгы да актив роль уйный, чөнки өстәмә көчләр бүлеп бирү карары - Федераль үзәктән", - дип сөйләде министр.