Конфедерацияләр Кубогы вакытында җәмәгать транспорты иртәнге өчкә кадәр эшлиячәк

Казан башкарма комитетының Транспорт һәм элемтә комитеты рәисе Айдар Габдулхаков сүзләренчә, Конфедерацияләр Кубогы матчлары вакытында җәмәгать транспорты иртәнге өчкә кадәр йөриячәк.

- Транспорт волонтерлар, аккредитация узган кешеләргә һәм ФИФА вәкилләренә бушлай булачак. Волонтерлар исә Кубокка кадәр һәм аннан соң 30 көн дәвамында җәмәгать транспортында бушка йөриячәк, ди Айдар Габдулхаков. 2013 елда Универсиада алдыннан бөтен кондукторлар да инглиз теле курслары узган булган инде. Быелгы турнирга исә алар искә төшерү дәресләре генә узган. 18, 24 июнь көннәрендә транспорт төнге уникегә кадәр, 22, 28 июньдә - төнге өчкә кадәр йөри.