Корбан бәйрәменә яңа мәчет ачыла

Корбан бәйрәменә Түбән Камада яңа мәчет ачыла. Мәчетнең эчке эшләре тәмамланган инде. Хәтта намаз да укый башлаганнар. Фәкать тышкы яктан берникадәр эшләрне генә төгәллисе калган. Җирле мөселманнарның тәкъдимнәре, фикерләре исәпкә алынып төзелгән мәчетнең намаз бүлмәсендә берьюлы 500 мөселман намаз укый алачак. Ир-атларга һәм хатын-кызларга мәчеткә керү юлы аерым эшләнгән. Мәчет 2008 елда төзелә башлаган иде. Хәзерге вакытта төзелеш өчен 80 миллион сумнан артык акча тотылган.