Күп балалы әниләргә пенсиягә иртәрәк чыгу хокукы бирелерме?

8 яшькә кадәр өч бала тәрбияләгән күп балалы әниләр пенсиягә билгеләнгән яшьтән 3 елга, ә дүрт баласы булган әниләр 4 елга иртәрәк чыга ала, дип сөйләгән РИА Новостига Дәүләт Думасының Хезмәт комитеты әгъзасы Светлана бессараб.

"8 яшькә кадәр өч бала тапкан һәм тәрбияләгән әниләр вакытыннан алда, гомуми билгеләнгән яшьтән 3 елга иртәрәк пенсиягә чыгарга хокуклы. Дүрт бала булган очракта - 4 елга алданрак", - дигән ул.
Биш һәм аннан да күбрәк бала тапкан һәм тәрбияләгән хатын-кыз 50 яшендә пенсиягә чыга ала, дип төгәлләгән депутат.