#Кыскача яңалыклар 04 апрель 2017, 11:20

Кырым шифаханәләре Санкт-Петербургтагы терактта зыян күрүчеләргә ярдәм итәргә җыена

04 апрель 2017, 11:20

Кырым шифаханәләре Санкт-Петербург метросында терактта зыян күрүчеләрне дәвалану һәм тернәкләнү өчен үзләренә чакыра. Бу хакта Кырым башлыгы Сергей Аксенов хәбәр иткән, дип яза "Татар-информ" "Российская газета"га сылтама белән.

Скопировать ссылку

Кырым башлыгы матбугат хезмәте җиткерүенчә, Аксенов республика хөкүмәтенә зыян күрүчеләрне тернәкләндерү планын эшләргә йөкләгән. "Хәзер зыян күрүчеләргә тәгаен ярдәм мөһим, - дип белдергән Аксенов. - Кырым үз шифаханәләрендә зыян күрүчеләрне савыктырырга әзер".

Шулай ук Аксенов Санкт-Петербург губернаторы Георгий Полтавченко белән телефон аша сөйләшкәндә кырымлылар исеменнән кайгы уртаклашуын да җиткерә. Шул ук вакытта республикада саклык чаралары да көчәйтелгән.

Кызыклы яңалыкларны күзәтеп бару өчен безнең МАХ каналына кушылыгыз.