Машина йөртү танык­лыгын кайда алыштырырга мөмкин?

Казанда машина йөртү танык­лыгы алу өчен өстәмә пунктлар юкмы икән? Алайса таныклык алыштырырга баргач, озак кына чиратта торырга туры килде?

Айназ Хәбиров, Казан

Татарстан Республикасы Эчке эшләр министрлыгының Юл хәрәкәте иминлеге дәүләт инспекциясе идарәсенең матбугат хезмәте хәбәр итүенчә, Казанда автомобиль йөртү таныклыгын алыштыру өчен яңа пунктлар эшли башлаган. Әлеге өстәмә пунктлар ТЭЦ урамы, 5 һәм Оренбург тракты, 209 адреслары буенча урнашкан. Машина йөртү таныклыгын алмаштыру процессы тизрәк, җиңелрәк барсын өчен дәүләт хезмәте порталыннан файдаланырга була. Аның ярдәмендә гариза өчен кирәкле бланкны бастырып алырга, белгечкә язылыр­га мөмкин.