Махсус хәрби операциядәгеләр өчен квота буенча 15 мең кеше ВУЗга укырга кергән

–  2024/25 уку елына МХО катнашучылары һәм аларның гаиләләре өчен аерым квота кысаларында бакалавриат, специалитет һәм база югары белеме программалары буенча 14,9 меңнән артык кеше кабул ителде. Бу узган ел кабул ителүчеләр саныннан 6,3 мең кешегә күбрәк, - диелә хәбәрдә.

Әзерлекнең иң популяр юнәлешләре информатика һәм исәп-хисап техникасы, мәгълүмати системалар һәм технологияләр, педагогик һәм медицина белеме, шулай ук инженер белгечлекләре булган. 

Яңа уку елында югары уку йортларына 620 меңнән артык бюджет урыны бирелде, шуларның 30 меңгә якыны – яңа төбәкләрдәге 39 югары уку йортында.