#Кыскача яңалыклар 25 октябрь 2017, 11:20

Мәҗбүри медицина иминияте полисы «гомерлек» булачак

25 октябрь 2017, 11:20

Россиялеләр “гомерлек” электрон медицина кенәгәсенә ия булачаклар. Мәҗбүри медицина иминияте полисы буенча күрсәтелгән медицина ярдәме тарихы язылган кенәгәне дәүләт хезмәтләре порталында рәсмиләштерергә мөмкин булачак

Скопировать ссылку

Бу хакта Икътисади үсеш министрлыгы әзерләгән күрсәтмәгә нигезләнеп “Известия” хәбәр итә.

Мәгълүм булганча, хәзерге вакытта дәүләт хезмәтләре аша табибка язылырга, аны өйгә чакыртырга һәм сырхауханәгә беркетелергә мөмкин. Якын киләчәктә тагын ике опциядән файдаланырга – авыру тарихын карарга һәм мәҗбүри медицина иминияте полисын алырга мөмкинлек туачак.

Хәзерге вакытта хастаханә күрсәтелгән медицина хезмәтләре буенча мәгълүматны Татарстан территориаль мәҗбүри медицина иминияте фондына юллый. Бирелгән медицина полисы турындагы мәгълүмат та шунда ук саклана.

Кызыклы яңалыкларны күзәтеп бару өчен безнең МАХ каналына кушылыгыз.