Мәчет Казаннан Мәскәүгә китәчәк

Әлеге мәчет карап торышка автобусны хәтерләтә. Аның эчендә тәһарәт алу өчен аерым бүлмә, намаз уку өчен махсус зал бар. Мәчет хезмәтеннән файдалану бушлай. Ә менә чыгымнарны каплау өчен автобус-мәчеткә - тагылма арба өстәргә уйлыйлар. Анда кофе кайнату аппараты һәм фастфуд-кафе булачак, ди. Мәчетне теләгән кеше онлайн режимда чакырта ала. Моның өчен мәчетнең махсус сайты булдырылган.