#Кыскача яңалыклар 11 март 2017, 06:31

Мәдәни мирасны саклаучылар бәйгесе башлана

11 март 2017, 06:31

Мәдәният министрлыгы «Бөек илнең мәдәни мирасын саклыйбыз» дигән Бөтенроссия смотр-конкурсы уздыра. Ул Россия халыкларының милли-мәдәни байлыгын саклау һәм популярлаштыру максатыннан үткәрелә.

Скопировать ссылку

Бәйгедә мәктәп һәм балалар бакчаларыннан аерым башкаручылар һәм иҗади коллективлар, милли, халык коллективлары, мәдәният йортлары һәм башка оешма каршындагы иҗади коллективлар катнаша ала.

Сайлап алу комиссиясенә милли җырлар, биюләр, шигъри әсәрләр башкарып яздырылган видеотасма җибәрергә кирәк. Гаризалар 10 апрельгә кадәр кабул ителә. Эшләрне оештыру комитетының электрон почтасына җибәрергә яки «Сохраняем культурное наследие великой страны» (www.сохраняем-наследие.рф) сайтына куярга кирәк.

17 апрельдән эшләрне тавыш бирү юлы белән халык үзе бәяли башлаячак. Иң яхшы дип табылганнар конкурс иганәчеләренең бүләгенә һәм дипломнарга ия булачак.

Кызыклы яңалыкларны күзәтеп бару өчен безнең МАХ каналына кушылыгыз.