#Кыскача яңалыклар 19 декабрь 2022, 13:15

Милләттәшебез Марат Бәшәров Россиядән киткән актерлар турында үз фикерен белдерде

19 декабрь 2022, 13:15

Театр һәм кино актеры, Татарстанның атказанган артисты Марат Бәшәров махсус операция уңаеннан, Россиядән күченеп киткән коллегаларына карата үзенең мөнәсәбәте турында «Аиф» басмасына сөйләде.

Скопировать ссылку

Артист сүзләренчә, ул чит илгә киткән актерларны хөкем итми, әмма андый гамәлләрне бөтенләй аңламый. Бәшәров «тормыш биргән, тәрбияләгән, бушлай белем биргән» ватанда калырга кирәк дип саный.

Марат Бәшәров илебез авыр вакытлар кичергән вакытта, бу аннан качып китәргә сәбәп түгел, дип саный. Актер билгеләп үткәнчә, кеше үзенең туган йортын ташлап китә икән, димәк, якыннары, туганнары, әти-әнисе һәм балаларын да ташлый алачак.
«Минем андый кешегә ышанычым югалчак", диде Бәшәров. Актер шулай ук илдән беркая да китәргә җыенмавын хәбәр итте.

Кызыклы яңалыкларны күзәтеп бару өчен безнең МАХ каналына кушылыгыз.