"Мин Коръән укыйм" флешмобы бара

Флешмобка имамнар, мәгърифәтче галимнәребез, җәмәгать эшлеклеләре кушылыр дип көтелә. Катнашу өчен Коръән сүрәләре укуыңны видеога төшереп, «ВКонтакте» һәм Instagram социаль челтәрләрендә #хозурминкоръәнукыйм - #хузурячитаюкоран хештегы белән урнаштыру кирәк. Әлеге чара аша "Хозур" нәшрият йорты рамазан аенда Коръән уку зарурлыгын искәртә.
Һәркем сүрәләрне камил рәвештә укый алмаска мөмкин. Шуңа да, сүрә аятьләрнең тәфсирен дә яздырырга мөмкин. Флешмоб 7 июльгә кадәр дәвам итәчәк. Видеоларны Islam_Today@mail.ru электрон почтасына җибәрергә кирәк.