Минзәлә артистлары Казанны яуларга җыена

Быел коллектив үзләренең 80 еллык юбилейларын билгеләп узарга җыена. Биредә элек- электән талантлы артистлар эшләгән. Бүгенге көндә дә анда Татарстанның халык артистлары Венера Нигъмәтуллина, Рәзилә һәм Рөстәм Муллиннар, Инсаф Фәхретдинов, Хафиз Хамматуллин кебек артистлар театрның йөзек кашлары булып тора.

Коллектив Казан тамашачысы хозурына «Шомбай», «Тапкыр кәҗә турында әкият», «Абзыйның төше», «Түтиләр» дигән спектакльләрен тәкъдим итә.