#Кыскача яңалыклар 24 октябрь 2022, 09:11

Мобилизацияләнгән өч балалы җырчы Илсур Шәйдуллин өенә кайтарылган

24 октябрь 2022, 09:11

Мобилизацияләнгән җырчы, өч бала әтисе Илсур Шәйдуллинны өенә кайтарганнар. Бу хакта аның якын дусты, танылган алып баручы Илмир Ямалов хәбәр итте.

Скопировать ссылку

"1 ай (төгәлрәк 2 көн калды бер ай булырга) Казан-ЭКСПОда яшәп, полигонда хәрби укулар үтеп, бүген Татарстан Республикасы Президенты карары белән 90 егетебезне (шул чама, тулы исемлекне карап өлгермәдем) "күпбалалы гаилә" категориясеннән кире өйләренә озаттылар. Шул исемлектә безнең Илсур Шәйдуллин да бар. Кулына "военнигын" тотып, экипировкасын тапшырып, хәерле сәгатьтә дип "гражданка"га атлады. Кемнәр борчылды, хәлен сорады, ярдәм кулын сузучыларга Аллаһның рәхмәте яусын.

Шушы көннәрдә безнең егетләр эшелонлап хәрби хезмәткә чиккә - еөнбатыш якларына кузгалдылар. Барыгызга да исән-сау әйләнеп кайтырга насыйп булсын", - дип язган Илмир.

Кызыклы яңалыкларны күзәтеп бару өчен безнең МАХ каналына кушылыгыз.