16+

Казанда троллейбус 28 яшьлек ир-атны бәрдергән: зыян күрүченең ике теше сынган

Казанда троллейбус белән җәяүле катнашында юл-транспорт һәлакәте булган.

Казанда троллейбус белән җәяүле катнашында юл-транспорт һәлакәте булган.

Нәтиҗәдә, 28 яшьлек ир-ат җитди җәрәхәтләр алган.

«Татар-информ»га Казан дәүләт автоинспекциясендә хәбәр итүләренчә, Шуртыгин урамында 1 нче маршрут троллейбусы ир-атны көйләнә торган җәяүлеләр кичүендә бәрдергән.

Юл-транспорт һәлакәте нәтиҗәсендә җәяүленең баш сөяге-ми җәрәхәте алган, баш мие селкенгән. Шулай ук аның аскы казналыгы һәм ике алгы теше сынган, ирене һәм ияге имгәнгән.

Зыян күрүчене 7 нче шәһәр хастаханәсенә алып киткәннәр.

Шаһитлар сөйләвенчә, ир-ат яшел ут янгач, җәяүлеләр кичүе аша юлны чыга башлаган. Бу вакытта троллейбус йөртүчесе юл чатында сары сигналга өлгереп калырга тырышкан.

Бәрелүдән соң җәяүле аңын югалткан. Юлдан үтеп баручылар ашыгыч ярдәм килгәнче аңа ярдәм күрсәтергә тырышкан.

Һәлакәт урынында транспорт хәрәкәте тоткарланган.

Кызыклы яңалыкларны күзәтеп бару өчен безнең МАХ каналына кушылыгыз. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading