Мәрхүмә исеменнән туганнары белән хат алышкан

Россия Эчке эшләр министрлыгының Салават шәһәре буенча бүлегенә 9-10 июль төнендә югалган кызны табу үтенече белән гариза керә. Мөрәҗәгать итүче 45 яшьлек хатын сүзләренә караганда, аның 19 яшьлек кызы 7 июльдә кич белән  өеннән чыгып киткән. Ике көн буена кыз шалтыратмый, бары смс хәбәр генә җибәреп тора. Ишембай районында булуы турында хәбәр итә, янәсе, бер егет белен танышкан һем анып белән яшергә җыена. Әмма тиздән смс килүдән туктый. Шул вакытта әни кеше ярдәм сорап полицейскийларга мөрәҗәгать итәргә булган. 

Хәбәрсез югалган кызны эзләүгә Башкортстан Республикасы буенча Эчке эшләр министрлыгының Җинаятьчеләрне эзләү идарәсе хезмәткәрләре кушыла. Оперативниклар җинаятьченең эзенә төшә. Баксаң, 19 яшьлек кыз социаль челтәрләрдә май аеннан бирле бер егет белән язылышкан, ә фаҗига килеп чыккан көнне аларның очрашуы билгеләнгән.
Шикләнелүче егет башта кызның юкка чыгуына катнашы барлыгын кире каккан. Тик соңыннан аны үтерүен таный. Ул полицейскийларга кызның мәетен кайда яшергәнен дә күрсәтә.

Тоткарланучының сүзләренә караганда, 7 июль көнне ул 19 яшьлек кызны үз машинасында Стәрлетамак районы Новофедоровка бистәсенә алып кайта. Биредә алар арасында ызгыш килеп чыга һәм кызга пычак белән кадый. Кызның мәетен бистәдән ерак түгел урнашкан куаклыкта яшерәләр. Җинаятьче мәрхүмәнең телефонын ала һәм якыннары аны эзләмәсен өчен, алар белән мәрхүмә исеменнән языша. 
Россия Тикшерү комитетының территориаль бүлекчәсе 23 яшьлек ир-атка карата кеше үтерү факты буенча җинаять эше кузгаткан.
Фото: https://www.bashinform.ru/