#Кыскача яңалыклар 19 август 2021, 17:28

"Нарасыйны иремә һәм балаларыма күрсәттем. Ә аннары фаҗига — без баланы югалттык..."

19 август 2021, 17:28

Башкортстанда бала тудыру йортында 29 яшьлек хатын палатадашының баласын тәрәзәдән тотып ыргытты.

Скопировать ссылку

Башкортстанда бала тудыру йортында 29 яшьлек хатын палатадашының баласын тәрәзәдән тотып ыргытты.

Башкортстанда бала тудыру йортында 29 яшьлек хатын палатадашының баласын тәрәзәдән тотып ыргытты. Һәлак булган сабыйның анасы Виктория табибларны да, «акылдан язган хатынны» да гафу итүен социаль челтәрләрдә яза. Бу турыда «Комсомольская правда» хәбәр итте.

Виктория 16 августта өченче баласын тапкан. Аның ике олы улы бар. «Ул безнең өчен бик көтеп алынган бала иде. Мин операция өчен борчылдым, кан тамырларым начар, наркозны да кичерү авыр. Бик авыр булды», — ди ул.

Ул операция вакытында үлүдән дә курыккан, бәхеткә бар да яхшы барган. Аннары аны реанимациягә күчергәннәр.

«Анда без тагын өч хатын һәм аларның балалары белән яттык. Мин бәхетле идем, ватсаптан шалтыраттым, нарасыйны иремә һәм балаларыма күрсәттем. Ә аннары фаҗига — без баланы югалттык», — ди ул.

Виктория бу көнне искә алырга теләмәвен әйтә. Бу «безнең өчен иң коточкыч көн», ди ул.

«Без бала тудыру йортында булган көннәрдә ни генә күрмәдек. Авырту да, кайгы да, еладык та, йокламадык та. Аннары без шушы кыска вакыт эчендә сабыебыз безне тагын да күбрәк яратырга өйрәтүен аңладык. Аны да, бер-беребезне дә, балаларны да, гомумән тормышны. Без үч тотмыйбыз, бала тудыру йортына да, табибларга да, минем белән реанимацидә яткан акылдан язган хатынга да», — ди ул.

Виктория судка гариза язмыйсын, «явызлык белән явызлыкны җиңеп булмыйсын» әйтә. Яңа туган сабые белән фотолар төшереп калуына сөенә. 18 августта алар мәрхүм баланы җирләгән. 19 августта Виктория һәм аның иренең туй көне икән.

Чыганак: Интертат

Кызыклы яңалыкларны күзәтеп бару өчен безнең МАХ каналына кушылыгыз.