Нинди шампунь яман шеш китереп чыгарырга мөмкин?

Составында бензол булган коры шампуньлар онкология үсеше куркынычын арттыра. Россия Сәламәтлек саклау министрлыгының «Блохин исемендәге онкология фәнни-тикшеренү үзәге» ФДБУның өлкән фәнни хезмәткәре Игорь Самойленко чәчләрне карау буенча шундый чараларның куркыныч булуы турында кисәтте, дип яза РИА Новости.

- Бензол төрле шешләр китереп чыгарырга мөмкин. Бу киң спектрлы канцероген, - дип белдергән белгеч.

Бензол яхшы очучан матдә, ул сулыш юлларына эләгергә һәм үпкә рагы үсешенә сәбәп булырга мөмкин. Матдәнең тирегә эләгүе дә куркыныч һәм тире яман шешен китереп чыгарырга мөмкин.

Онколог фикеренчә, составында бензол булган коры шампуньны кулланмау яхшырак. Сыек шампуньларда бу куркыныч матдә юк.