Әнвәр Нургалиев сеңлесенең үлеме турында: «Сеңлем, «китмә!» дип ялварып үтендем бит!»

Башлангыч хәбәр буенча, 33 яшьлек Сәфәрова Чишмә авылында Революция урамындагы баганага бәрелә һәм каза урынында алган яралардан җан бирә. Әлеге факт буенча җинаять эче ачылган. Авариядә «Тойота Камри» автомобиленең катнашы бармы-юкмы икәнлеге ачыклана.  Аның йөртүчесе полиция участогына китерелгән.

Җырчы Әнвәр Нургалиевның туганы, танылган блогер, өч бала әнисе Диана Сәфәрова руль артында булган. Җирле халык әйтүенчә, аның юлын «кистереп чыкканнар». Гаилә әгъзалары бу хәбәрне социаль челтәрләрдәге сәхифәләрендә раслады. Сәфәрованың абыйсы Әнвәр Нургалиев ВКонтактеда менә нәрсә язган:

— 8 майда коточкыч фаҗига килеп чыкты. Исерек хәлдәге машина йөртүче минем туганымның гомерен өзде. Өч бала әнисез калды. Диана гаиләдә бердәнбер туендыручы, акча эшләүче иде. Тыныч йокла, яратканыбыз. 

Икенче бер язмасында Әнвәр Нургалиев Дианага төнлә белән өенә кайтырга рөхсәт иткәне өчен үз-үзен гафу итә алмавын яза:

— Сеңлем, «китмә!» дип ялварып үтендем бит.

Билгеле булганча, кич белән Диана эше буенча җыелышта булган. Авария аркасында аның машинасы югары тизлектә бинага килеп керә.

10 майда Чишмә авылында Диана Сафарова белән хушлашу мөрәсиме башлана. Диана өч бала үстерә: ике малай һәм бер кыз. Ул социаль челтәрләрдә шәхси блог алып барган һәм сәламәт яшәү рәвеше турында сөйләгән, дөрес туклану рецептлары белән билгеле булган. 

2022 елның ноябрендә Диана Сәфәрова үзенең 32 яшьлек туган көнен билгеләп үткән. Үзенең блогын ул өч баласына — 7 яшьлек кызына һәм 5 яшьлек ике игезәк улына багышлый. Ире белән аерылышкан.

Диананы белгән кешеләр аның якыннарының олы кайгысын уртаклаша. Алар арасында блогерлар Рөстәм Нәбиев, Лениза Муллаянова да бар.

Диана Сәфәрованың соңгы фотосы (уңда). Аны Башкортстанның халык артисты Әнвәр Нургалиев социаль челтәрдәге сәхифәсенә куйган.
 Фото: социаль челтәрләр