Путин Казахстанны халыкара бандалар корбаны дип атады

Пәнҗешәмбе көнне Кремльдә Россия һәм Казахстан президентлары Владимир Путин һәм Касым-Жомарт Токаевның сөйләшүләре уза, дип хәбәр итә ТАСС.
Токаев Казахстанда күптән түгел булган тәртипсезлекләрнең нечкәлекләрен ачты.

Әңгәмә барышында Россия лидеры билгеләп үткәнчә, гыйнварда Казахстан халыкара бандалар корбаны булды. Шуның белән бергә хәзер республика ышанычлы, нык басып тора. Бу хакимият тырышлыгы нәтиҗәсендә мөмкин булды.
"Россия тынычлык урнаштыручылары республикадагы вакыйгалар вакытында тылны тәэмин итүдә һәм объектларны саклауда мөһим роль уйнады", - дип ассызыклады Токаев.
Элегрәк Россия президентының матбугат сәркатибе Дмитрий Песков хәбәр иткәнчә, Путин һәм Токаев ике яклы мөнәсәбәтләр, якын төбәкләрдәге вәзгыять һәм төбәк конфликтлары турында фикер алышачак.