Путин: киләсе БРИКС саммиты 2024 елның октябрендә Казанда узарга мөмкин

Киләсе елда Брикс рәислеге Россиягә күчәчәк. Безнең рәислек «гадел глобаль үсеш һәм иминлек өчен күп яклылыкны ныгыту» девизы астында узачак, — дип белдерде Россия дәүләт башлыгы. Конкрет даталарны дипломатик каналлар аша килештерергә кирәк әле, дип тә өстәде.

Россия лидеры шулай ук хәбәр иткәнчә, 200ләп сәяси, икътисади һәм иҗтимагый чара планлаштырыла — аларны Россиянең дистәдән артык шәһәре кабул итәчәк. Моннан тыш, чаралар «БРИКС плюс/аутрич»форматында узачак.