Путин: “Көнбатыш дәүләтләре белән диалогтан баш тартмыйбыз”

Россия Президенты Владимир Путин  инаугурация тантанасында шулай дип белдерде.
“Россияне ышанычлы һәм намуслы партнер буларак күргән барлык илләр белән яхшы мөнәсәбәтләрне ныгытуга без әзер. Көнбатыш дәүләтләре белән диалогтан баш тартмыйбыз. Сайлау алар алдында: алга таба да Россиянең үсешен тоткарлап, илебезгә еллар буе туктаусыз басым ясау сәясәтен дәвам итәрләрме, әллә  хезмәттәшлеккә һәм тынычлыкка юл эзләргә ниятлиләрме? Кабатлап әйтәм: куркынычсызлык, стратегик тотрыклылык мәсьәләләре буенча сөйләшү мөмкин. Ләкин ул көч позициясеннән, тәкәбберлектән башка, үз өстенлегеңне куеп түгел, бары тик бер-береңнең мәнфәгатьләрен хөрмәт итеп”, - диде Путин.