Путин Пашинянны Әрмәнстан премьер-министры кабат билгеләнүе белән котлады

Әрмәнстан премьер-министры вазыйфасына кабат билгеләнүе белән Николу Пашинянны Россия президенты Владимир Путин котлады. Котлау телеграммасы тексты Кремль сайтында бастырылган. Россия лидеры фикеренчә, Пашинян җитәкләгән хөкүмәт "Россия-әрмән мөнәсәбәтләренең киләчәк үсешенә, шулай ук Көньяк Кавказдагы тынычлык, иминлек һәм тотрыклылыкны ныгытуга" ярдәм итәчәк. Элегрәк Әрмәнстан президенты Армен Саркисян указга кул куйды, аның нигезендә хөкүмәт башлыгы итеп "Гражданнар килешүе" фракциясе тарафыннан тәкъдим ителгән Никол Пашинян билгеләнә.