#Кыскача яңалыклар 05 июнь 2018, 10:09

Рамазан аенда татар авылларында авыручылар саны нигә арта?

05 июнь 2018, 10:09

Мәскәүдәге “Җыелыш” (Собрание) мәдәни-агарту иҗтимагый берләшмәләре ассоциациясендә тематик ифтар вакытында Россиянең кайбер төбәкләрендә уразаны кемнәр тота һәм кемнәр тотмый дигән темага анализ үткәрелгән.

Скопировать ссылку

Бу хакта IslamNews сайтына сылтама белән "Татар-информ" хәбәр итә.

Түбән Новгород өлкәсендәге татар авылларында ураза тотучыларның 10-15 процент тирәсендә икәне ачыкланган. Шундый үзенчәлек ачыкланган - үзләрен диндә дип әйтүчеләр сәламәтлеккә сылтау белән ураза тотмый. Аларның авырулары ни өчендер Рамазан аенда көчәеп китә икәнлеге билгеле булган. Әмма, шушыңа да карамастан, соңгы елларда Түбән Новгород өлкәсе авылларында коллектив ифтар уздыру популярлаша бара.

Дагыстанда вазгыять бөтенләй башкача. Левашинск районы мөселман җәмәгать эшлеклесе Магомед Саидмагомедов сөйләвенчә, аның туган авылы Уллуада ураза тотмаган бер генә кешене дә табып булмый. Берәү дә сәламәтлеккә һәм табиблар киңәшенә сылтау ясамый. Шул ук вакытта авылда коллектив ифтар йоласы юк, һәркем үз гаиләсе белән авыз ача. Хәтта Леваши район үзәгендә дә Рамазан аенда барлык кафелар ябыла. Биредә спиртлы эчемлекләр сату турында сүз дә булуы мөмкин түгел инде, дип аңлатты Дагыстан вәкиле.

Ул шундый тенденциянең Рамазан аенда республика башкаласы Махачкала да булуын әйтте. Мәчетләрдә бергәләп тәравих намазын ураза тотучылар укуын җиткерде ул.

Кызыклы яңалыкларны күзәтеп бару өчен Т елеграмга кушылыгыз.