Район мәчетенә миллион сумлык люстра элгәннәр

Бүген мәчетнең тышкы ягын матурлыйлар, ишегалдына брусчатка җәяләр, ә урам яктагы юлга бетон түшәләчәк. Мәчет территориясендә балалар уен мәйданчыгы да булачак. Гыйбадәтханәне быел ачарга планлаштыралар. Аны Сургутта яшәүче бертуган Әгъләмовлар төзи. Монда эшләячәк имамны конкурс нигезендә сайлап алганнар, ул Чирмешәндә Әгъләмовлар сатып алган йортта яшәячәк.