#Кыскача яңалыклар 03 марта 2021, 14:37

Рестораннар кабат төнлә эшләячәк?!

03 марта 2021, 14:37

Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР идарәсе төнлә кафе һәм рестораннар эшен яңарту мөмкинлеген өйрәнә.

Скопировать ссылку

Хәзер республикада төнге уникедән иртәнге алтыга кадәр җәмәгать туклануы биналары эшен тыю гамәлдә.

«Татар-информ» мәгълүмат агентлыгында узган матбугат конференциясендә ведомствоның матбугат секретаре Миләүшә Җамалиева шул хакта сөйләде.

«Рестораторлар Татарстан Президентына мөрәҗәгать итте. Ул Роспотребнадзор идарәсенә бу мәсьәләне хәл итәргә кушты. Хәзерге вакытта бу мәсьәлә карала», — диде спикер.

Элегрәк Казан рестораторлары Рөстәм Миңнехановка төнге сәгатьләрдә эшне дәвам итүдә рөхсәт сорап мөрәҗәгать иткән иде. Алар мөрәҗәгатьтә бизнесларына пандемиянең болай да зур зыян китерүен дәлилләгән иде.

Чыганак: "Татар-информ"

Кызыклы яңалыкларны күзәтеп бару өчен Телеграм-каналга кушылыгыз.

#пандемия #ресторан