Россия спортчыларына халыкара турнирларда нейтраль статуста катнашырга рөхсәт ителде

«2026/27 сезоны алдыннан Россия һәм Беларусь спортчыларын тулысынча читләштерү турындагы карар өлешчә гамәлдән чыгарыла. Спортчылар халыкара тимераякта шууычлар берлеге чараларында һәм халыкара ярышларда, нейтраль спортчылар буларак, дәүләт символларыннан, аерым алганда, милли әләмнәрдән, милли экипировкадан һәм милли гимннардан башка катнаша ала», – диелә оешма хәбәрендә.

Халыкара тимераякта шууычлар берлеге дүрт төрле спорт төрен – фигуралы шууны, синхрон шууны, шорт-трекны һәм тимераякта шууны берләштерә.

Исегездә булса, 2022 елның февраленнән бирле россияле спортчылар читләштерелгән иде. Искәрмә буларак, Италиядә 2026 елда узачак Олимпиадада берничә россиялегә катнашырга рөхсәт бирелде.