Россиягә чит илдән атланмай кертелә башлады

Төркия 2024 елның 27 октябреннән Россиягә атланмай җибәрә башлады, 20 тонна продукция кертелгән инде. Бу хакта ТАССка Россельхознадзор матбугат хезмәтендә хәбәр иткән.

"Төркиядән Россиягә атланмай китерү 2024 елның 27 октябрендә башланды. Ветеринария өлкәсендә федераль дәүләт мәгълүмат системасы мәгълүматлары буенча, 29 октябрьгә Төркиядән Россиягә 20 тонна атланмай кертелгән", - диелә хәбәрдә.

Элегрәк Россия Авыл хуҗалыгы министрлыгы матбугат хезмәтендә министрлык эчке базарны туендыру һәм бәяләрне тотрыкландыру өчен дустанә илләрдән ак май импортын арттыру өчен чаралар күрә дип хәбәр иткәннәр иде.

Министрлыкта билгеләп үткәнчә, Россия базары тулысынча атланмай белән тәэмин ителгән. 2024 ел йомгаклары буенча аны чыгару күләменең артуы көтелә

Росстат мәгълүматларына караганда, 2024 елның сентябрендә атланмайга бәяләр 2024 ел башыннан 17,96 процентка арткан.