#Кыскача яңалыклар 07 октябрь 2022, 15:40

Россия Герое Рөстәм Мурадов Көнчыгыш хәрби округының яңа командующие итеп билгеләнде

07 октябрь 2022, 15:40

Көнчыгыш хәрби округының яңа командующие итеп Россия Герое Рөстәм Мурадов билгеләнде. Кайнар нокталарда - Сирия һәм Чечняда алган тәҗрибәсе яңа вазифада алдында торган бурычларны башкарырга ярдәм итәчәк, дип яза Дагыстан башлыгы Сергей Меликов үзенең Телеграм-каналында.

Скопировать ссылку

«Безнең якташыбыз, Россия Герое Рөстәм Усманович Мурадов Көнчыгыш хәрби округы командующие итеп билгеләнде», диелә хәбәрдә.
Төбәк башлыгы билгеләп үткәнчә, Көнчыгыш хәрби округ - илдә хәрби состав буенча иң куәтлеләрнең берсе. Шуңа күрә Мурадов кебек стратег, лидер һәм батыр көрәшчене билгеләү дөрес карар булды.

«Бу батыр кеше белән дус булуым белән горурланам», - диде Меликов.

Рөстәм Мурадов Россия Герое исемен 2017 елда Сириядә хәрби бурычны үтәгәндә күрсәткән батырлыгы һәм каһарманлыгы өчен алган, анда ул хәрби киңәшче сыйфатында булган.

«Татар Информ»

Кызыклы яңалыкларны күзәтеп бару өчен безнең МАХ каналына кушылыгыз.