#Кыскача яңалыклар 25 август 2016, 04:37

Россиядә ышаныч югалткан түрәләр реестры төзеләчәк

25 август 2016, 04:37

Россия Хөкүмәтенең закон проектлары эшчәнлеге буенча комиссия, ышаныч югалту сәбәпле, хакимият органнарыннан эштән азат ителгән затларның реестрын булдыру турындагы закон проектын хуплады дип хәбәр ителә Россия Министрлар Кабинеты сайтында.

Скопировать ссылку

2012-2015 елларда хакимият органнарында коррупциягә каршы көрәш максатыннан чикләүләр һәм тыюларны үтәмәү, ышанычны югалту аркасында 1,2 мең чамасы кеше эштән азат ителгән дип хәбәр ителә комиссиянең аңлатмасында.

"Реестр булдыру, кадрлар хезмәтенә ышаныч югалту сәбәпле, эштән азат ителгән затларны дәүләт хезмәтенә яңадан алмау мөмкинлеге тудырачак", - дип хәбәр ителә документ текстында.

Бу исемлек "Дәүләт хезмәте һәм идарәче кадрлары федераль порталы"нда дөнья күрер дип көтелә, анда закон буенча дәүләт органнарын кадрлар белән тәэмин итү (суд аппаратлары, җирле үзидарә органнары) турында аерым мәгълүмат урнаштырыла.