Рөстәм Миңнеханов – Каһирәдә

Татарстан Президенты вазифасын вакытлыча башкаручы Рөстәм Миңнеханов эш сәфәре белән Мисыр башкаласы - Каһирәгә китте. Анда ул Мисырның берничә министрлык һәм идарә тармагы вәкилләре белән очрашачак. Эшлекле сәфәр барышында Россия һәм Мисырның алга таба транспорт өлкәсендә хезмәттәшлек итү мөмкинлекләре турында сөйләшәчәкләр.