«Рубин» командасының ике футболчысы Россия җыелмасы составына керде

Исемлектә «Рубин» командасы уенчылары - Руслан Камболов белән Максим Канунников һәм Татарстан футбол мәктәбендә тәрбияләнгән Александр Бухаров та бар.

Россия җыелмасының тулы составы: капкачылар - Игорь Акинфеев (ЦСКА), Маринато Гилерме («Локомотив»), Владимир Габулов («Арсенал»); сакчылар - Роман Шишкин («Краснодар»), Виктор Васин (ЦСКА), Федор Кудряшов («Ростов»), Руслан Камболов («Рубин»), Георгий Джикия, Илья Кутепов (икесе дә - «Спартак»); ярымсакчылар - Игорь Смольников, Юрий Жирков (икесе дә - «Зенит»), Юрий Газинский («Краснодар»), Денис Глушаков, Александр Самедов, Дмитрий Комбаров (барысы да - «Спартак»), Алексей Миранчук, Дмитрий Тарасов (икесе дә - «Локомотив»), Александр Головин (ЦСКА), Александр Ерохин («Ростов»); нападающие Федор Смолов («Краснодар»),Максим Канунников («Рубин»), Дмитрий Полоз, Александр Бухаров (икесе дә - «Ростов»).

Конфедерацияләр кубогы уеннары 17 июнь - 2 июль көннәрендә Мәскәү, Санкт-Петербург, Сочи һәм Казан шәһәрләрендә уза. Россия җыелмасы төркем этабында Португалия, Мексика һәм Яңа Зеландия командалары белән очраша, дип хәбәр итә "Татар-информ".