#Кыскача яңалыклар 30 апрель 2015, 06:52

Самолетлар төзекләндерелүгә җибәрелә

30 апрель 2015, 06:52

Казанга эш сәфәре белән Россия оборона министры Сергей Шойгу килеп китте. Министр Татарстан лидеры Рөстәм Миңнеханов белән С.Туполев исемендәге Казан авиация заводы - "Туполев" берләшмәсе филиалында булды.

Скопировать ссылку

Сергей Шойгу авиация заводының җитештерү мәйданчыклары һәм цехлары белән танышып йөрде. Заводта ерак авиация паркын торгызу һәм тәэмин итү мәсьәләләре буенча эшлекле киңәшмә уздырды. Нәтиҗәдә, Россия хәрби-һава көчләре самолетларын төзекләндерү һәм модернизацияләү эшләренең күләмен, сыйфатын арттыру һәм башкару вакытын кыскарту бурычлары да куелды.

Татарстан Президенты матбугат хезмәте хәбәр итүенчә,быел 12 "Ту-22М3" стратегик бомбардировщиклар кораллануга алыначак. Моннан тыш, 2 "Ту-160" стратегик ракета йөртүче самолет алына. Ә тагын алты "Ту-22М3" самолеты төзекләндерү һәм модернизацияләүгә җибәрелә.

Кызыклы яңалыкларны күзәтеп бару өчен Т елеграмга кушылыгыз.