#Кыскача яңалыклар 17 сентябрь 2017, 06:00

Шикәр чөгендере уңа, бәрәңге юк

17 сентябрь 2017, 06:00

Татарстан авыл хуҗалыгы һәм азык төлек министры Марат Әхмәтов сүзләренчә республикада барлыгы 170 мең гектар җирдән иген җыеп аласы калды.

Скопировать ссылку

- Явым-төшем аркасында бу атнада 110 мең гектар җир сөрергә һәм 300 мең тонна бодай суктырырга гына өлгердек. Бу августның ике көнендә җыелган суммадан да азрак, - диде Марат Әхмәтов.

Татарстан өчен һәр яңа тонна зур авырлык белән бирелә. Хәзерге вакытта барлыгы 4,5 миллион тонна уңыш җыеп алынган. Бу узган ел белән чагыштырганда гектарына 7,3 цетнерга күбрәк.

- Хәзер уңышны җыеп алу өчен бөтен көчне дә тупларга, һәр бирелгән көнне кулланырга кирәк, - дип уңыш җыеп алуның җитди мәсьәлә булуын искәртте Татарстан Президенты Рөстәм Миңнеханов.

Быел шикәр чөгендере уңачак. Әлегә аның 21 процентын гына җыеп алынган.

- Республиканың барлык өч шикән җитештерү заводы да инде җыелган шикәрне эшкәртә башлады. Тәүлек дәвамында 15 мең тонна чөгендер эшкәртелә. Урып-җыю башланганнан бирле 35 мең тонна шикәр җитештерелгән, - диде Марат Әхмәтов.

Бәрәңге уңышы исә республика көткәннән түбәнрәк. Ләкин икенчел икмәккә кытлык булмаячак.

Кызыклы яңалыкларны күзәтеп бару өчен безнең МАХ каналына кушылыгыз.