Спортның су төрләре буенча дөнья чемпионаты-2015 символы Казанга кайта

Галәмдә 167 тәүлек уздырган Спортның су төрләре буенча дөнья чемпионаты-2015 символы - Казансу елгасы суы тутырылган капсула тиздән Казанга килеп җитәчәк. Аны тапшыру тантанасы 9 нчы апрельдә Мәскәү янындагы Звездный шәһәрендә узган. Биредә Халыкара космос станциясендә озак экспедициядә булган экипажны каршы алдылар.Экипаж белән берлектә, капсула орбитада 167 тәүлек булган. Александр Самокутяев сулы капсуланы Спортның су төрләре буенча дөнья чемпионаты-2015 илчесе Эльмира Кәлимуллинага тапшырган. Чемпионатның символын казанлылар 19 нчы апрельдә күрә алачак. Аны МЕГА сәүдә үзәгендә куерга планлаштыралар.