Студентларның машина йөртү осталыгын бәялиләр

Казанда югары уку йорты һәм урта махсус белем бирү йортлары студентларының машина йөртү осталыгын тикшерәчәкләр. 15 майда шул максатны күздә тоткан "Автосессия-2015" шәһәркүләм конкурсы башланып китә. Бу бәйге яшь йөртүчеләргә машина йөртү күнекмәләрен үзләштерергә һәм юл хәрәкәте кагыйдәләрен ныгытырга булышачак. Чарада Казанның югары уку йортлары һәм урта махсус белем бирү йортлары студентлары катнаша ала.
Конкурсның шартлары турында тулырак мәгълүматны 533-38-41, 533-38-42 телефон номерлары аша белергә мөмкин.