#Кыскача яңалыклар 01 август 2023, 16:24

Суда фаҗига: Икесе дә 20 яшьтә булган

01 август 2023, 16:24

30 июльгә каршы төндә Нефтекама янындагы Карман сусаклагычында фаҗига килеп чыккан. Өч дус егет резина көймәдә йөзеп кайтырга булган.

Скопировать ссылку

Аларның берсе генә яр буена исән-имин кайта алган. Калган икесенең мәетен 31 июль иртәсендә водолазлар табып чыгарган.

"Комсомольская Правда" басмасы хәбәренә караганда, 20 яшьлек Радмир Г., Ленар А. һәм 19 яшьлек Булат С. Башкортстанның Борай авылыннан. Бергә укыганнар, мәктәптән соң да дуслыкларын дәвам иткәннәр.

Беренчел мәгълүматлар буенча, Булат исемле егет резина көймәсен сусаклагычка үзе белән алып килгән. Коткару жилетлары, куркынычсызлык техникасын үтәү турында егетләр, күрәсең, оныткан.

Сусаклагыч уртасында ук бер егет үз урыныннан икенче урынга күченеп утырырга тели, ләкин ишкәккә абына һәм суга очып төшә. Егет йөзә белмәгән һәм шунда ук бата башлаган. Аңа ярдәмгә Ленар исемле егет ташланган, ләкин дустын судан чыгара алмый һәм аның белән бергә батып үлгән. Өченче егет Булат ярга кадәр көймәдә йөзеп чыккан, биредә калган башка егетләрне ярдәмгә чакырган.
Хәзер бу вакыйга факты буенча тикшерү үткәрелә.