#Кыскача яңалыклар 15 февраль 2018, 08:35

Табиблар өйдә сөннәткә утыртмаска кушалар

15 февраль 2018, 08:35

Татарстан табиблары өйдә сөннәткә утыртудан зыян күргән балаларның ата-аналарын игътибарсызлыкта гаепли. Сәламәтлек саклау өлкәсендә күзәтчелек Федераль хезмәтенең Татарстан Республикасы буенча идарәсе җитәкчесе урынбасары Любовь Шәйхетдинова сүзләренчә, күп очракта сөннәткә утыртуга ата-аналар дини йола дип кенә карый. Ә чынлыкта исә бу – өй шартларында ясарга ярамый торган чын операция.

Скопировать ссылку

Республика балалар клиник хастаханәсенә генә дә ел әйләнәсендә балаларын өй шартларында сөннәткә утыртудан зыян күргән дүрт-биш ата-ана мөрәҗәгать итә.

– Без сөннәткә утырту турында гел сөйләп торабыз, ләкин кызганычка, өйдә сөннәткә утыртулар кимеми. Шуның нәтиҗәсендә еш кына балалар зыян күрә, – ди Республика балалар клиник хастаханәсенең урология бүлеге җитәкчесе Шамил Тәхәветдинов.

Кызыклы яңалыкларны күзәтеп бару өчен Т елеграмга кушылыгыз.