Танылган актриса вафат булган

"Экипаж" фильмы йолдызы, ил кинематографиясенең иң якты йолдызларының берсе актриса Александра Яковлева үлгән. Бу хакта ТАСС соңгы елларда актриса белән хезмәттәшлек иткән режиссер Александр Лебедевка сылтама белән хәбәр итә.
Лебедев билгеләп үткәнчә, соңгы елларда Александр Яковлева җитди авыру белән көрәшкән. Актриса 2017 елда ук үзендә онкология авыруы ачыклануын яшермәгән, һәм ул берничә операция кичергән.  Александра Яковлевага 64 яшь булган.
Совет кинематографиясенщ Александра Яковлева 1979 елда, Экипаж" фильмында Тамара стюардессасы роле белән килеп керде. Аннары "Чародеи", "Человек с бульвара Капуцинов", "Белое проклятье", "Ищу друга жизни" фильмнарында рольләр башкарды. 30 фильмда төшеп, бөтен илгә танылган Александра Яковлева 1993 елда көтмәгәндә актер карьерасын туктата һәм туган шәһәре Калининградка кайтып, шәһәр администрациясендә эшли башлый. Аннары Петербургка китеп бара, Пулковода эшли, Октябрьск тимер юлына эшкә урнаша.
2016 елда Александра Яковлева кинога кайта, "Экипаж" фильмының яңасында төшә.