Танылган алып баручы Михаил Зеленскийның үлем сәбәбе аталган

Телевидение алып баручысы Михаил Зеленский 47 нче яшендә үлде, беренчел мәгълүматлар буенча, инсульт нәтиҗәсендә. Бу хакта "Вести ФМ" радиостанциясенең Telegram-каналында хәбәр ителә.

"Бар да кинәт кенә килеп чыкты. Ул Доминиканада ялда иде, үзен начар хис иткән. Табиблар коткарырга тырышып караган, ләкин булдыра алмаганнар. Беренчел мәгълүматлар буенча - инсульт", - диелгән хәбәрдә.
 
Михаил Зеленский 1997 елдан 1999 елга кадәр "Радио России - Ностальжи" һәм "ТВ Центр" телеканалында мәгълүмати программалар алып баручы булып эшләгән. 1999 елда "Россия" телеканалында "Вести" программасының көндезге чыгарылышларын алып барган. 2001 елда "Вести-Москва" программасының алып баручысы, ә 2006 елдан - "Россия-24" телеканалының әйдәп баручысы булды, аннары "Мәдәният" телеканалында эшләде.