Танылган татар журналист-язучысы вафат

Әнәс Хәсән улы 1935 елның 23 июнендә ТР Куйбышев районының Каюки авылында (хәзерге Спас районы) туган. Казан педагогика институтында белем алып, 1959-1972 елларда Казан телевидениесе студиясендә эшли, аның баш мөхәррире була. Ленинград югары партия мәктәбендә укыганнан соң, 1974-1984 елларда, КПССның Татарстан өлкә комитеты мәдәният бүлеге инструкторы булып эшләгән, ә 1984-1988 елларда - Татарстан китап нәшриятының өлкән мөхәррире, баш мөхәррире урынбасары.
1988 елда «Коммунист Татарии» журналының җаваплы секретаре итеп билгеләнә. 1991-1999 елларда Әнәс Хәсән улы ТР Президенты матбугат үзәген, 1999 елдан 2006 елга кадәр Татарстан Республикасы Президенты матбугат архивын җитәкли. 1990-1997 елларда шулай ук "Книга памяти"ның баш мөхәррире урынбасары иде.

Әнәс Хәсән улы белән хушлашу 24 августта 10:00 сәгатьтә Казанның Апанай мәчетендә узачак. Ул Тынычлык бистәсе зиратында җирләнәчәк.