Татар теле кафедрасы ябылдымы-юкмы?

Утырышка университет ректоры Илшат Гафуров, объектив сәбәпләр аркасында, утырышка килмәгән иде. Аның урынына Халыкара мөнәсәбәтләр, тарих һәм көнчыгышны өйрәнү институты директоры Рамил Хәйретдинов җавап бирде. Аның сүзләренчә, кафедра ябылу турындагы хәбәр дөреслеккә туры килми. Президент исә аңарга, алай булгач, нишләп матбугат чараларын җыеп, шуны хәбәр итмисез, диде. Тиз арада бу шау-шуга нокта куярга кирәклеген җиткерде. Без, Рамил Хәйретдиновка шалтыратып, әлеге уңайдан комментарий бирүен сорадык. Ул безгә сәгать икедә журналистларны җыеп сөйләшәчәген әйтте. Якын арада университет җитәкчелегеннән аңлатма көтәбез.