Татарстан депутатлары үз теләкләре белән махсус хәрби операция зонасына китә

Ике ир-ат та Оборона министрлыгы белән еллык контракт төзегән, үзләренең хәрби тәҗрибәләрен һәм белемнәрен яңа өлкәдә кулланырга әзер.

Лениногорск шәһәре Иске Куак авыл җирлегеннән депутат, ЛДПР партиясе әгьзасы һәм ТР Дәүләт Советы депутаты ярдәмчесе Руслан Хәбибуллин алгы сызыкка китәр алдыннан үз фикерләре белән уртаклашкан.

"Дулкынлану юк. Миндә дә, гаиләдә дә. Инде ике ел ярымнан артык гуманитар ярдәм ташу белән шөгыльләнәбез. Махсус хәрби операция зонасында, мөгаен, инде 60 тапкырдан артык булганмындыр, төрле хәлләр булды: ут астында да калдым, диверсия төркемнәре дә һөҗүм итте. Шуңа күрә анда барыннан да бигрәк хәрби тәҗрибәсе булган кешеләр кирәклеген беләбез", — дип сөйләгән «Татар-информ»га Руслан Хәбибуллин.

Депутат низаг зонасындагы вәзгыятьне тирәнтен аңлый. Аның гуманитар миссияләр белән күпсанлы сәфәрләре хәрбиләрнең дә, тыныч халыкның да чынбарлыктагы ихтыяҗларын үз күзләре белән күрергә мөмкинлек биргән.

«Ике елдан артык инде без хәрбиләр белән янәшә. Алгы сызыктагыларга булышабыз. Барлык азат ителгән территорияләрдә булдым, ярдәм җибәреп кенә калмыйча, ә үзем дә ярдәм иттем. Мин читтә кала алмыйм", - дип уртаклашкан Руслан.

Туган ягында аның хатыны һәм өч баласы көтеп калачак, кечесенә өч яшь. Якыннары һәм туганнары аның карарын хуплаган, чөнки алар барысы да үз илләренең патриотлары.

– Бу егетләр, хәрбиләр өчен бик мөһим, алар үзләренә һәрвакыт ярдәм итүләрен, аларны көтүләрен сизергә тиеш, — ди Руслан Хәбибуллин. Карьерасын шәхси сак оешмасында башлап, аннары эчке эшләр министрлыгына хезмәткә күчә, биредә хокук саклау органнарында саллы эш тәҗрибәсе туплаган. Хәзер, Ватанга хезмәт итүен дәвам итеп, Руслан махсус хәрби операция зонасында взвод командиры вазыйфасын үз өстенә алырга әзерләнә, биредә аңа тиешле күнекмәләр һәм эш тәҗрибәсе һичшиксез кирәк булачак.

«2022 елдан, махсус операция башыннан бирле Лисичанск һәм Луганскига гуманитар йөкләр ташыдык. Хәзер без фронтка үз теләгебез белән китәргә карар кылдык, чөнки  җиңүгә үзебезнең көчебездән килгәнчә өлеш кертәсебез килә. Хәзер Татарстанның "Батыр" батальоны формалашты, һәм һич икеләнүләрсез контрактка кул куярга һәм шунда барырга булдык. Әлбәттә, безнең максат-җиңү", - дип белдергән ЛДПР партиясеннән, Теләче районы депутаты Тимур Садриев.