Татарстан күп юнәлешләрдә лидер. Хәтта штрафлар саны буенча да...

Мәскәү, Мәскәү өлкәсе һәм Татарстан 2024 елда юл йөрү кагыйдәләрен бозу буенча административ эшләр саны буенча лидер булды, дип хәбәр итә ТАСС, ГАИ статистикасына сылтама белән. Узган ел эчендә Дәүләт автоинспекциясе 255 млн нан артык административ эш кузгаткан һәм 176,3 млрд сумлык штраф рәсмиләштергән.

Моннан тыш, 2024 елда ГАИ хезмәткәрләре тарафыннан фотовидеофиксация камералары ярдәмендә салынган штрафлар суммасы буенча үсеш күзәтелгән. Бу рәвешле 149,2 млрд сумнан артык күләмдәге штраф язылган (2023 елда 8,3 млн сум булган). Барлыгы 236,6 млн сумлык карар чыгарылган (алдагы елда 220,9 млн иде). 

Искәртеп узабыз, элегрәк төбәкләр ГАИ штрафларыннан керемнәрнең 100 процентын үзләренә калдыра иде. Узган елда РФ Финанс министрлыгы бу акчаларны 75 процентын төбәк бюджетына, ә 25 процентын федераль бюджетка юлларга тәкъдим итте. Дәүләт Думасы инициативаны декабрьдә кабул итте.