Татарстан Президенты: Барлык районнарда да туган телләр фән буларак өйрәнелми

«Татарстанда яшәүче халыкларның туган телләрен, мәдәниятләрен, гореф-гадәтләрен саклау һәм үстерү — безнең эшнең өстенлекле юнәлеше. Туган телләрне өйрәнүгә аерым игътибар бирергә кирәк. Барлык районнарда да бу фән буларак алып барылмый. Кызганыч, бу мәсьәләдә үзгәрешләр таләп ителгән районнар бар», — диде республика Президенты.

Рөстәм Миңнеханов әйтүенчә, чуашлар, марилар, удмуртлар һәм мордвалар тупланып яши торган кайбер торак пунктлардагы мәктәпләрдә тиешле туган телне сайлауга җитәрлек игътибар бирелми. «Татар ата-аналарының балаларына өйрәтү өчен туган телне дөрес сайламау буенча да җитешсезлекләр бар», — диде Президент. 

Чыганак