#Кыскача яңалыклар 12 август 2016, 11:45

Татарстан – социаль-сәяси яктан иң тотрыклы төбәк

12 август 2016, 11:45

Татарстан - Россиянең социаль-сәяси яктан иң тотрыклы төбәкләре арасында беренче урында. Рейтингны «Петербург сәясәте» җәмәгатьчелек элемтәләрен үстерү фонды төзегән. Республика рейтингы - 8,3 балл. Икенче урында - Якутия (8,2), өченчедә - Башкортстан (8,0).

Скопировать ссылку

Татарстан күрсәткечләре үсеше динамикасы, узган ай белән чагыштырганда, 0,1 баллны тәшкил иткән.

Республикадагы позитив вакыйгалар дип фонд Татарстан Президенты Рөстәм Миңнехановның Gruppo Cremonini Италия компаниясе вәкиле Луиджи Кремонини белән авыл хуҗалыгы өлкәсендә хезмәттәшлек турында килешүен; Казанда Татарстан белән Санкт-Петербургның бизнес-берләшмәләре арасындагы хезмәттәшлек буенча төбәкара форум узуын; «Химград» технополисында Advenira Enterprises Америка компаниясе производствосының килү перспективасын; Казанга Патриарх Кириллның килүен; «КАМАЗ-Мастер» командасының «Ефәк юлы-2016» бәйгесендә җиңүен атый.

Кызыклы яңалыкларны күзәтеп бару өчен безнең МАХ каналына кушылыгыз.

#250