#Кыскача яңалыклар 01 декабрь 2018, 09:00

Татарстан ярлыларын бай булырга өйрәтәчәкләр

01 декабрь 2018, 09:00

Татарстан, Кабардино-Балкария Республикасы, Приморье крае, Иваново, Липецк, Түбән Новгород, Томск шәһәрләре ярлыларын бай булырга өйрәтәчәкләр. Санап киткән өлкәләрдә киләсе елдан ярлылыкны киметә торган пилот проект башланырга тиеш. Бу хакта Россия Федерациясе хезмәт һәм социаль яклау министры Максим Топилин хәбәр итә.

Скопировать ссылку

Татарстан ярлыларын бай булырга өйрәтәчәкләр

Пилот проектны гамәлгә ашыру өчен инде приказга кул куелган. Нәтиҗәдә ярлы дип табылган гиләләр белән социаль контракт төзиячәкләр. Проект уңышка ирешкән очракта аны 2021 елда ил буенча тарата башлаячаклар.

Моңа кадәр Россия Федерациясе Хисап палатасы җитәкчесе Алексей Кудрин “соңгы алты елда Россиядә ярлылык саны 3 миллионга арткан”, дигән иде. Аның сүзләренчә, бүген илдә 20 миллион ярлы яши.

фото - voi.ru

Кызыклы яңалыкларны күзәтеп бару өчен безнең МАХ каналына кушылыгыз.

#Татарстан #Кудрин #ярлы #бай