Татарстанда 40 градуслы салкыннар аркасында шторм кисәтүе игълан ителде

Татарстанның Гидрометеорология үзәгендә, республикада урыны белән һава температурасы -41 градуска кадәр төшәчәк, дип кисәтәләр.

9 һәм 10 гыйнварда төнлә һәм иртән  Татарстан территориясендә һава температурасы -31..-36, урыны белән -41 градуска кадәр булыр дип көтелә. Көндез дүшәмбе һәм сишәмбе термометр баганалары 25.-30 градус тамгасын күрсәтәчәк.