Татарстанда бер ир хатынына бензин сибеп ут төрткән

Хатын-кыз гәүдәсенең 50%ы пешкән. Яшел Үзән районының Айша авылындагы гаилә низагы әнә шулай күңелсез тәмамланган.


47 яшьлек ир бензин сипкәннән соң, 42 яшьлек хатыны качып котылмакчы була, тик ир дигәнең куып тотып, ниятен ахыргача башкара. Вакытында хатынның әнисе килеп җитмәгән булса, әлеге низагның ахыры аяныч беткән булыр иде. Бәхеткә, ул су сибеп һәм юрган каплап утны сүндерә алган.
Әлеге факт буенча җинаять эше кузгатылган.