Татарстанда Идел буенда март аенда югалган балыкчының мәетен тапканнар

Югары Ослан районының Кызыл Байрак бистәсе янындагы Идел елгасында бер ир-атның гәүдәсе табылган. Россия гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр итүләренчә, 1958 елда туган ир март аенда балык тотарга киткән булган. Югары Ослан районы Пустые Моркваши авылы янында Идел елгасында батып үлгән.

Шаһитлар сөйләвенчә, балыкчы чаңгыда булган, ул ярга кайткан юлда боз астына төшеп киткән. Коткаручылар аны берничә көн эзләгән. Балыкчының гәүдәсен хокук саклау органнары хезмәткәрләренә тапшырганнар.